Чешка го зголеми капацитетот на центрите за бегалци
Поради зголеменото присуство на нелегални имигранти во земјата, каде од почетокот на годината се задржани над 3.000 лица, чешката Влада донесе одлука да се зголемат капацитетите за нивно сместување, јави дописникот на МИА од Прага.
Во Чешка, бегалците се сместуваат во три видови на објекти, кои вклучуваат прием, сместување и интеграција, управани од Одделот за азил во Министерството за внатрешни работи.
Прифатните центри служат за сместување на новодојдените баратели на азил кои тука живеат додека не се завршат потребните основни процедури за влез во земјата. Потоа се сместуваат во центрите за престој каде чекаат одлуката за меѓународна заштита да стане правосилна. Во центрите за азил, апликантите добиваат џепарлак од кој плаќаат дел за сместувањето и храната.
Оние кои нема да успеат да добијат азил, се сместуваат во центрите за странци.
Условите за влез во Чешка се различни за граѓаните на земјите од шенгенскиот простор и од третите земји.
Во Чешка, последните шест години највеќе легални и илегални имигранти потекнуваат од Украина, иако со текот на годините се намалуваат Украинците, а се зголемува бројот на Сиријците.
Ново на Сител
-
ЕУ и препорачува ригорозни безбедносни проверки на Србија при доделување државјанство на странци
-
Трамп го потпиша Законот за финансирање, со што заврши рекордната блокада на работата на американската Влада
-
Јокиќ постигна 55 поени во триумфот на Денвер против Клиперс
-
Поларна светлина на небото над северна Белгија и Холандија
-
Во Собранието ќе заседаваат пет комисии
-
Скопје одбележува 81 година од ослободувањето
-
Утрото студено, а потоа сончево со температура до 20 степени
-
Ѓорѓиевски: Скопје ќе ја добие првата подземна сообраќајница и три нови кружни текови
