Усвоени измените на Законот за јавни набавки

Собранието ги усвои измените на Законот за јавните набавки, со кои се воведуваат нови решенија за поголема транспарентност, конкуренција и поефикасно користење на јавните средства.

Меѓу клучните новини е задолжителната примена на критериумот „најдобар сооднос меѓу цена и квалитет“, како и унапредување на електронскиот пазар за набавки од мала вредност.

Бирото за јавни набавки ќе добие пошироки надлежности за користење дигитални алатки и решенија базирани на вештачка интелигенција за следење на постапките и препознавање ризици од злоупотреби.

Измените предвидуваат и поголема транспарентност кај постапките со преговарање без оглас, континуирана обука на службениците за јавни набавки и усогласување на вредносните прагови и жалбените надоместоци со актуелните економски услови.