Роналдо инвестираше 10 милиони евра во создавање нов бренд за минерална вода

Фудбалерот на Ал-Наср, Кристијано Роналдо, вложи 10 милиони евра во лансирање на нов бренд за минерална вода, објави „SIC Noticias“.

Четириесет и едногодишниот Португалец соработуваше со „Grupo Outeirinho“, кој инвестираше иста сума во проектот. Вкупната инвестиција ќе биде приближно 20 милиони евра, а Роналдо ќе поседува 50 проценти од бизнисот.

Фабрика за флаширање веќе е во изградба во Браганса, Португалија. Завршувањето на изградбата е предвидено, а продажбата во Португалија и во странство треба да започне до крајот на 2027 година. Италијанска дизајнерска компанија го развива брендот.

Според „Групо Оутеирињо“, проектот ќе создаде неколку десетици работни места. Компанијата, исто така, тврди дека контролира 45 проценти од португалскиот пазар на минерална вода.

Роналдо претходно стана ко-сопственик на брендот за минерална вода „Урсу9“, кој беше претставен во Мадрид во јуни 2023 година. 

МИА