Приведени 11 возачи за „безобѕирно управување возило“ во изминатото деноноќие

Во текот на изминатото деноноќие, на различни локации во државата, полициски службеници лишија од слобода 11 возачи поради сторено кривично дело „безобѕирно управување возило“ по член 297-а од Кривичниот законик.
Од нив, пет лица управувале возило без положен возачки испит и тоа: 23-годишната А.Џ., Е.З.(26), Б.Д.(51) и 16-годишник, сите од Скопје и 14-годишник од с.Добрино, скопско.
Под дејство на алкохол патничко возило управувале М.С.(42) од с.Уларци, Општина Чешиново – Облешево и Д.Е.(64) од Неготино, кој предизвикал и сообраќајна незгода со материјална штета.
Со активна мерка забрана за управување, возеле: А.С.(36) од Битола, Р.Р.(26) од кичевско и М.Д.(21) од Кавадарци, кој бил и под дејство на алкохол.
Додека пак, М.Н. (34) од Црна Гора управувал патничко возило со брзина поголема од дозволената.
По целосно документирање на случаите, ќе бидат поднесени соодветни кривични пријави.
- Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај, велат од МВР.
Ново на Сител
-

Експлозии во Ормуската Теснина: Два танкери налетале на мини, уште шест се запалиле
-

Дронови погодија три брода во Црното Море, Романија подготвува борбени авиони
-

Променливо облачно време со дожд попладне, температури до 16 степени
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
