Невреме со пороен дожд и засилен ветер, од понеделник пад на температурите

Променливо облачно време со повремени врнежи од дожд се очекува до средината на следната седмица под влијание на циклонска активност, при што локално ќе има поројни врнежи, засилен ветер и грмежи, соопшти Управата за хидрометеоролошки работи.

Врнежите наместа ќе бидат пообилни, со над 20 литри на квадратен метар, особено в недела. Локално се очекува нестабилност со појава на невреме, проследено со пороен дожд, засилен ветер и грмежи.

Од понеделник ќе дува засилен северен ветер, а дневните температури ќе бидат во опаѓање.

Во вторник, под влијание на постуден воздушен бран, на некои од повисоките планини дождот ќе преминува во снег.

МИА