Повторно искршено детско игралиште во Кисела Вода: „Неколку пати се поправаше, сè е за ништо“

Оштетено детско игралиште на булеварот „Борис Трајковски“, спроти зградата на Општина Кисела Вода, предизвика револт кај жителите кои реагираат на состојбата во која се наоѓа просторот наменет за најмладите.
Фотографии од оштетените реквизити се објавени на Фејсбук-страницата „Кисела Вода – Пријави проблем“, каде граѓаните посочуваат дека ова не е првпат игралиштето да биде оштетено.
Според нив, иако во изминатиот период неколкупати биле вршени поправки, реквизитите повторно се уништуваат.
„Моментално вака изгледа игралиштево... Жалосно... Неколку пати се поправаше, сè е за ништо... Културата доаѓа првенствено од дома“, напиша скопјанка која сподели фотографии од состојбата на игралиштето.
Дел од граѓаните сметаат дека за оштетувањата е виновно несовесното однесување на деца и млади кои го користат просторот, посочувајќи дека е потребна поголема грижа за јавните површини и реквизитите наменети за најмладите.
Повторното оштетување на игралиштето го отвора прашањето за одговорноста и зачувувањето на јавните простори, особено оние во кои секојдневно престојуваат деца.
Ново на Сител
-

Експлозии во Ормуската Теснина: Два танкери налетале на мини, уште шест се запалиле
-

Дронови погодија три брода во Црното Море, Романија подготвува борбени авиони
-

Променливо облачно време со дожд попладне, температури до 16 степени
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
