Македонските репрезентативци пред нов предизвик – Шкотска гостува во Скопје

Македонската фудбалска репрезентација вечерва (почеток од 20:45 часот) го игра натпреварот од 3. коло од Б1 групата од Лигата на Нациите. Во Скопје гостува селекцијата на Шкотска, која исто како и македонскиот национален тим на двата натпревара не постигна гол, но освои еден бод откако одигра 0:0 на гостувањето кај Словенија.

Избраниците на селекторот Гоце Седлоски се под голем притисок, на шест натпревари немаат постигнато гол, а последната победа е во Скопје против Лихтенштајн на 7. септември 2025 со 5:0. Притоа серијата без победа е цели десет натпревари (официјални и пријателски).

Седлоски критиките ги презеде на себе, но навивачите очекуваат гол, посакуваат победа.

И нашиот вечерашен ривал Шкотска е во криза, но нешто помала. По брзата елиминација на Светското првенство и Шкотска има нов селектор. На Мундијалот постигнаа една победа против Хаити (1:0), а имаа и два пораза од Бразил (0:3) и од Мароко (0:1), па така и Шкотска е четири натпревари без гол. Според најавите на вечерашниот натпревар тие ќе имаат и поддршка од околу 3.200 навивачи кои се во Скопје.

Вечерашниот натпревар го суди еден од елитните судии на УЕФА Французинот Франсоа Летексие.

МИА