Герасимовски: Финишираме со „Ленинова“, се реконструираат последните 250 метри од сообраќајницата

Општина Центар ja реконструира последната фаза од улицата Ленинова, на потегот од крстосницата со улицата Илинденска до објектот на Министерството за земјоделство, шумарство и водостопанство. Во тек се градежни активности на последната делница во должина од 250 метри.
Со реконструкцијата се предвидува уредување на коловозот и на пешачките површини, поставување нови рабници, подигнување и нивелирање на сливниците и уличните шахти, како и реконструкција на мрежата за јавно осветлување. Предвидено е и поставување ново урбано зеленило, соопштија утрово од локалната самоуправа.
Како што се истакнува, со оваа фаза се комплетира целосната реконструкција на „Ленинова“, со вкупна должина од над 600 метри, со што улицата добива уреден, функционален и современ изглед, приспособен на потребите на жителите, пешаците, велосипедистите и возачите.
- „Ленинова“ е важна сообраќајна артерија што го поврзува централното градско подрачје. Во програмата ветив обнова на патната инфраструктура во Центар и тоа ветување се остварува. Со оваа реконструција создаваме поквалитетен, пофункционален и побезбеден јавен простор за сите граѓани - порача градоначалникот на општина Центар, Горан Герасимовски.
Првиот дел од улицата Ленинова беше саниран во 2023 година, на потегот од булеварот Партизански одреди до булеварот Митрополит Теодосиј Гологанов, a со тековниот зафат, како што истакнаа од Општина Центар, целосно се комплетира проектот.
МИА
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
