Три победи за Македонија на првиот ден од Светското првенство во кик-бокс – славеа Нешевски, Николов и Баснарков
Македонската кик-бокс репрезентација со три победи и три порази го заврши првиот натпреварувачки ден на Светското првенство што се одржува во Лидо ди Језоло, Италија.
Одличен настап имаше Милан Нешевски, кој до победата стигна уште во првата рунда, откако борбата беше прекината.
Успешен беше и Глигор Николов, кој прикажа сигурна борба и славеше со убедливи 3:0.

Победа за македонскиот тим забележа и Марко Баснарков, кој со сигурен настап го совлада својот противник и успешно го продолжи настапот на шампионатот.
Од друга страна, Димитар Јачев и Драган Пандев ги загубија своите борби на татами, додека Давид Атанасовски беше поразен во ринг.



Со тоа, Македонија го заврши првиот ден со позитивен биланс од три победи во шест настапи, а младите македонски кик-боксери добија значајно искуство на најголемата светска сцена во своите возрасни категории.
Претседателот на федерацијата, Дејан Митровски – Урко, по завршувањето на денешната програма изрази задоволство од прикажаното.
„Задоволен сум од денешните борби и успехот. Сепак, ова се млади борци и потребно им е искуство“, изјави Митровски.
Македонската репрезентација ги продолжува настапите на Светското првенство, каде во следните денови нови борби ги очекуваат и останатите наши претставници.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
