Системот за интернет гласање во Москва погоден од кибернапад на вториот ден од парламентарните избори

Системот за гласање преку интернет во руската престолнина Москва во текот на ноќта се соочи со кибернапад на средината од парламентарните избори, но ситуацијата е под контрола, изјави денеска шефицата на Централната изборна комисија, цитирана од руските медиуми.
Нападите сè уште се во тек, но ниту еден не беше успешен, изјави Ела Памфилова, според државните медиуми.
Парламентарните избори се одржуваат во Русија од петок до недела, и се очекува дека строго контролираното гласање ќе ѝ донесе победа на владејачката партија Единствена Русија.
Изборите, кои критичарите веќе ги оценија како нефер, се сметаат за референдум за тоа дали да се продолжи со целосната инвазија на претседателот Владимир Путин врз Украина, која сега е во својата петта година.
Путин ги нарече изборите „заеднички придонес кон победата на Русија“ против Украина.
Единствена Русија, која е на власт повеќе од 20 години, очекува двотретинско мнозинство и покрај тешката економска криза, воениот замор и јавното незадоволство. Меѓу кандидатите на партијата се десетици воени ветерани.
Заедно со изборите за Државната дума, во осум региони се избираат и претставници на регионалните парламенти.
Според податоците на изборната комисија, низ целата земја се одржуваат околу 2200 избори на различни нивоа на власт.
МИА
Ново на Сител
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
-

Се подготвуваат законски измени за повратот на ДДВ за компаниите, ќе се прецизираат роковите
-

Минчев: Транспарентноста, отвореноста и отчетноста мора да станат природен начин на работа на институциите
