УНХЦР: Поради обновениот конфликт во Јемен повеќе од 100.000 луѓе се внатрешно раселени

Агенцијата на Обединети нации за бегалци (УНХЦР) денеска објави дека повеќе од 100.000 луѓе се внатрешно раселени во Јемен по обновениот конфликт во земјата, а илјадници други бегаат преку Црвеното Море кон африканската земја Џибути.
Според УНХЦР, изминатите четири дена повеќе од 2.400 луѓе го преминале Аденски Залив и пристигнале во Џибути. Над 60 проценти од бегалците се жени, деца и стари лица.
Јеменските бунтовници, Хути, кои претходно контролираа голем дел од северниот дел на земјата, вклучително и главниот град Сана и Ходеида, само за неколку дена напредуваа долж брегот и минатата недела го освоија пристанишниот град Мока. Потоа ја презедоа контролата врз брегот и островите во Црвеното Море, а следниот ден ја консолидираа својата контрола врз стратешкиот теснец Баб ал-Мандеб, низ кој поминува морскиот сообраќај кон и од Суецкиот канал.
– Пристапот до хуманитарни средства останува голем предизвик. Несигурноста, уништените патишта, прекинатите телекомуникации и ограничувањата за движење влијаат на нашите операции, се наведува во соопштението на УНХЦР.
Во борбите изминатите недели загинаа стотици луѓе, а УНХЦР стравува од „понатамошно внатрешно раселување во Јемен и дополнителни движења на бегалци доколку борбите се интензивираат“.
МИА
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
