Во Осло денеска државен погреб на норвешкиот крал Харалд Петти

Норвешка денеска се збогува со кралот Харалд Петти, при што монарси, други членови на европските кралски семејства и шефови на држави престојуваат во Осло за неговиот државен погреб.
Харалд, кој уживаше широка популарност меѓу Норвежаните за време на своето 35-годишно владеење, почина во болница на 89-годишна возраст на 28 август, по сериозна инфекција на крвта.
Во последните неколку дена, ковчегот со телото на Харалд беше изложен во Кралската капела, каде граѓаните можеа да му оддадат последна почит.
Напладне, ковчегот на кралот во свечена процесија ќе биде пренесен до катедралата во Осло, каде што е предвидено во 13 часот (11:00 часот по Гринич) да почне комеморацијата.
Погребната процесија потоа ќе продолжи кон кралскиот мавзолеј во блиската црква во замокот Акерсхус, каде што Харалд ќе биде положен во вечното почивалиште.
Приватна церемонија во црквата ќе го означи крајот на постапката.
Харалд стапи на норвешкиот престол во 1991 година, по смртта на неговиот татко, кралот Олав Петти.
Синот на Харалд, Хокон, веднаш го наследи како нов крал на Норвешка.
МИА
Ново на Сител
-

Костадиновски: Почитувањето на Уставот е чин на највисок патриотизам и љубов кон татковината
-

МВР: Од 15 ноември до 15 март задолжително е поседувањето на зимска опрема во возилата
-

Се урна српски воен авион МиГ-29, загина пилотот | ВИДЕО
-

Предложен притвор за семејно насилство во Битола
-

Најстудено утрово во Берово, најтопло во Охрид и Велес
-

Корабоски доби 30-дневен притвор по проширување на обвинението
-

Николоски од Виена: ЕУ да изнајде решенија за проблемот со превозниците и со извозот на зелената енергија од регионот
-

Со сведочење на ќерката на првообвинетиот Дејан Јованов продолжува судењето за пожарот во „Пулс“
