Ердоган на средба со Путин порача дека односите меѓу Турција и Русија се на најнапредно ниво

Турскиот претседател Реџеп Таип Ердоган денеска во Киргисан се сретна со рускиот лидер Владимир Путин, при што изјави дека односите меѓу Турција и Русија се наоѓаат на своето најнапредно ниво.

– Денеска сметам дека е важно да се искористи ваквата можност. Односите меѓу Турција и Русија денеска се навистина на многу понапредно ниво отколку во кој било претходен период – рече Ердоган за време на средбата одржана на маргините на Самитот на шефови на држави на Шангајската организација за соработка.

Тој исто така ја истакна важноста на Нуклеарната централа Акују за билатералните односи, наведувајќи дека тој проект влегол во својата завршна фаза, јави Анадолија.

– Со отворањето на нуклеарната централа Акују повторно заедно ќе преземеме чекори кон отворање на некои нови електрани – додаде Ердоган.

МИА