Таранто 2026: Четврто учество на македонските спортисти на Медитерански игри

Со свеченото отворање вечерва во италијанскиот град Таранто ќе биде означен почетокот на 20. те Медитерански игри. За македонските спортисти ова ќе биде четврто учество, по Мерсин 2013, Тарагона 2018 и Оран 2022 година.

Македонскиот тим ќе биде најброен досега со 88 спортисти кои ќе се натпреваруваат во 4 екипни спортови и во 15 индивидуални. Заедно со придружниот тим ова е најбројна спортска делегација со вкупно 130 членови.

Медитерански игри со натпреварувачкиот дел стартуваа вчера со дуелите во одбојка, а ќе траат до 3. септември кога се планирани само неколку спортови и свеченото затворање на Игрите.

На досегашните три учества на Медитерански игри македонските спортисти имаат освоено 14 медали: 3 златни – 2 сребра и 9 бронзи.

На свеченото отворање на Медитеранските игрите ќе присуствува и претседателката на државата, Гордана Силјановска-Давкова, што претставува значајна поддршка за македонските спортисти.