Обама: Свет без нуклеарно оружје нема брзо да се оствари

Американскиот претседател Барак Обама изјави дека треба уште многу да се направи за светот да се ослободи од нуклеарното оружје.

Во своето обраќање на меѓународниот Самит за нуклеарна безбедност, Обама ја повика Русија дополнително да го намали своето нуклеарно оружје.

- САД и нивните сојузници и понатаму се против нуклеарните проби на Северна Кореја. Свет без нуклеарно оружје нема брзо да се оствари и јас веројатно нема да го доживеам тоа. Но, важно е дека почнавме да работиме на овој проблем, истакна американскиот претседател.