Пред пукањето во Тајланд ученикот ги убил своите баба и дедо

Вооружениот 14-годишен напаѓач, кој денеска отвори оган во училиште во близина на тајландскиот главен град Бангкок, првично ги застрелал своите баба и дедо во нивниот дом пред да се упати кон училиштето, соопшти тајландската полиција.

Според најновите податоци од тајландското Министерство за здравство, објавени од Би-би-си, билансот на пукотницата е осум мртви, во која ученик од деветто одделение на возраст од околу 14 години убил пет наставници во училиштето и ранил најмалку 15 лица, од кои двајца се во критична состојба, вклучувајќи и ученици, по што извршил самоубиство.

Според полицијата, пиштолот од девет милиметри што го користел му припаѓал на неговиот дедо.

Полицијата соопшти дека напаѓачот испукал 26 куршуми за време на нападот, објавуваат британските медуми.

Пукањето се случило во училиштето „Дебсирин“, во близина на Бангкок, кое има филијали низ целата земја и има добра репутација, објавува Би-би-си.

Тајланд, патем, има една од највисоките стапки на поседување оружје од страна на цивили во Југоисточна Азија, а земјата е сведок на неколку смртоносни инциденти во последните години.

Во февруари оваа година, вооружено 18-годишно момче застрела директор на училиште и ученичка за време на опсада на училиште во јужен Тајланд.

МИА