„Анима Мунди“ апелира за заштита на животните за време на топлотниот бран

Здружението за заштита на животни „Анима Мунди“ апелира до граѓаните и институциите да преземат мерки за заштита на животните за време на актуелниот топлотен бран и екстремно високите температури.
Од здружението предупредуваат дека високите температури претставуваат сериозен ризик за бездомните животни, животните што се чуваат на отворено, фармските животни и оние што се користат за работа, како коњите и магарињата. Посочуваат дека изложеноста на жештина може да предизвика дехидратација, топлотен удар и угинување.
„Анима Мунди“ ги повикува граѓаните да остават свежа вода на достапни и засенчени места, да обезбедат сенка за животните и да не ги изложуваат на директна сончева светлина. Истовремено, потсетуваат дека животните никогаш не треба да се оставаат во паркирани возила, бидејќи температурата во затворен автомобил за кусо време достигнува опасно високи вредности.
Здружението апелира граѓаните да пријавуваат случаи на држење животни во несоодветни услови.
Воедно, од „Анима Мунди“ апелираат од Агенцијата за храна и ветеринарство, локалните инспекторати и другите надлежни служби да спроведуваат засилени контроли и доследно да постапуваат по сите пријави поврзани со загрозување на благосостојбата на животните.
Според здружението, во услови на екстремни температури, заштитата на животните зависи од навремено и одговорно постапување и на институциите и на граѓаните.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
