Американската воена операција во Иран досега чинела 37,5 милијарди долари, изјави шефот на Пентагон

Воените операции против Иран досега ги чинеле САД 37,5 милијарди долари, изјави синоќа американскиот министер за одбрана Пит Хегсет за време на сослушување пред Конгресот.
Тоа претставува зголемување од речиси осум милијарди долари во однос на последната јавно објавена проценка на трошоците.
Хегсет пред американските законодавци изјави дека во сумата се вклучени и очекуваните трошоци до 30 септември.
Ова е првпат Хегсет јавно да одговара на прашања од конгресмените откако американските сили на почетокот на месецот ги обновија операциите против Иран. Тој се појави пред Комисијата за буџетски прашања на Сенатот заедно со претседателот на Здружениот генералштаб на американските вооружени сили, генерал Ден Кејн.
Хегсет предупреди дека без итно зголемување на финансирањето ќе мора да бидат ограничени дел од воените вежби и армиски обуки.
„Постојат тековни и идни тренинг-вежби и обуки што ќе мора да бидат скратени доколку нашите буџетски потреби не бидат исполнети“, изјави Хегсет, одговарајќи на прашање на сенаторката од Мејн, Сузан Колинс.
Тој воедно го повтори барањето за дополнително финансирање на Пентагон во износ од 67 милијарди долари.
МИА
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
