Авионска дезинсекција на скопската територија во четврток

Авионската дезинсекција на подрачјето на градот Скопје, против ларви од комарци, ќе се реализира на 7 мај - четврток, во раните утрински часови, соопштија денеска од Одделението за односи со јавноста при Град Скопје.

Доколку временските услови не го дозволуваат вршењето на дезинсекцијата, тогаш ќе се изврши првиот нареден ден, кога временските услови ќе бидат поволни, во истиот термин.

-Се известуваат пчеларите навремено да ги преземат потребните мерки за заштита на пчелите - се додава во соопштението.

МИА