САД бараат директни преговори Израел–Либан во услови на кревко примирје

САД повикаа на директни разговори на високо ниво меѓу Израел и Либан во услови на кревко примирје меѓу Израел и проиранската милиција Хезболах, јави ДПА.
„Либан се наоѓа на крстосница. Неговиот народ има историска можност да ја врати својата држава и да ја обликува својата иднина како вистински суверена и независна нација“, се наведува во соопштението на американската амбасада во Бејрут, објавено на социјалната мрежа „Икс“.
Претседателот на САД, Доналд Трамп, го објави примирјето во средината на април по разговорите со израелскиот премиер Бенјамин Нетанјаху и либанскиот претседател Жозеф Аун. Сепак, меѓусебните напади меѓу израелската војска и Хезболах продолжуваат, а израелските сили и натаму се распоредени во јужен Либан. Либан официјално не се смета за страна во конфликтот и нема директна контрола врз Хезболах.
„Директна средба меѓу претседателот Аун и премиерот Нетанјаху, со посредство на претседателот Трамп, би му овозможила на Либан да обезбеди конкретни гаранции за целосен суверенитет, територијален интегритет, безбедни граници, хуманитарна и реконструкциска поддршка, како и целосно враќање на државната власт врз целата територија – гарантирано од САД“, соопштија од американската амбасада.
Откако во октомври минатата година беше прогласено примирје, Израел контролира околу половина од Појасот Газа, додека Хамас во голема мера ја врати контролата врз остатокот. Разоружувањето на групата, предвидено со мировниот план под водство на САД, сè уште не е реализирано.
МИА
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
