Арагчи повторно ќе го посети Пакистан

Државната Иранска новинска агенција (ИРНА) синоќа изјави дека министерот за надворешни работи Абас Арагчи денеска, по завршувањето на неговата посета на Оман, повторно ќе отпатува за Пакистан.
-Арагчи повторно ќе го посети Пакистан, пред да отпатува за Москва, наведе ИРНА.
Дел од делегацијата на Арагчи вчера од Исламабад се врати во Техеран на консултации и за да ги добие потребните инструкции за прашања поврзани со завршувањето на војната. Тие вечерва ќе му се придружат на Арагчи во Исламабад.
Шефот на иранската дипломатија вчера во Исламабад се сретна со началникот на пакистанската армија Асим Мунир и со премиерот Шехбаз Шариф.
Во Исламабад требаше да пристигнат и претставниците на американскиот претседател – Стив Виткоф и Џаред Кушнер. Но, нивното патување беше откажано од Доналд Трамп со образложение дека САД ги „држат сите карти во раце“ и оти нема потреба од долги летови за „да седат и да разговараат за ништо“.
Трамп по откажувањето на мисијата на Виткоф и Кушнер изјави дека тоа не значи нужно продолжување на војната со Иран, додека Арагчи потегот го оцени како несериозност.
-Не е јасно дали САД навистина се сериозни во дипломатијата, објави Арагчи на платформата Икс.
МИА
Ново на Сител
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
-

Се подготвуваат законски измени за повратот на ДДВ за компаниите, ќе се прецизираат роковите
