Данска го совлада Исланд за финале против Германија

Данската ракометна репрезентација се пласираше во финалето на Европското првенство со победа вечерва над Исланд од 31:28 и в недела за титулата ќе игра против Германија.
Исланд пружи силен отпор на фаворизираната данска репрезентација и имаше водство од три голови (6-3) на почетокот од натпреварот. Данците успеаја да се вратат на средина од првото полувреме и да го израмнат резултатот (8-8). Сепак, не создадоа позначајна предност и по првото полувреме водеа со минимални 14-13.
Резултатската рамнотежа траеше до 47 минута, кога Данците прв пат имаа предност од три голови (23-20). Данска го скрши исландскиот отпор во 51 минута, кога Симон Питлик постигна гол за 26-23, потоа Мелер одбрани „цицер“ од Рикхардсон, а Ландин во следниот напад им донесе на Данците прв пат водство од четири голови (27-23).
Матијас Гидсел ги предводеше Данците до победа со седум голови, додека најдобар исландски стрелец беше Јанус Смарасон со осум голови.
В недела, Данците ќе играат во своето петто европско финале во обид да го освојат својот трет златен медал. Актуелните олимписки и светски шампиони ги освоија европските титули во 2008 и 2012 година. За Германија ова ќе биде четврто европско финале и можност трет пат да ја освојат титулата по 2004 и 2016 година.
Во увертира на финалето, Хрватска и Исланд ќе играат за бронзата .
МИА
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
