Египет ќе користи вештачка интелигенција за борба против дезинформации

Египетската Влада претстави платформа базирана на вештачка интелигенција за проверка на точноста на вестите и за идентификување „лажни или погрешни“ информации поврзани со државата, општеството и националната економија, објави весникот „Нешенал“.
Премиерот Мостафа Мадбули ја соопшти иницијативата на состанок со членови на кабинетот, медиумски регулатори и високи претставници на администрацијата.
Платформата ќе врши брза анализа на содржината на вести и фотографии. Технологијата е дел од пошироката стратегија за спротивставување на „гласини“ и „лажни вести“ што се шират на социјалните мрежи и во медиумите, рече премиерот. Тој истакна дека Владата ја поздравува конструктивната критика, но ќе дејствува решително против ширење невистинити информации што може да ја поткопаат јавната доверба или економската стабилност.
Иако законодавството во Египет веќе предвидува санкции за ширење лажни вести, на состанокот биле разгледани предлози за воведување построги казни за повторени или намерни прекршувања.
Весникот „Нешенал“ додава дека и други земји испитуваат модели со вештачка интелигенција за справување со онлајн-дезинформации, што отвора дебата за тоа како овие системи прават разлика меѓу точни и неточни информации и како влијаат врз слободата на говор.
МИА
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
