Илир Демири од алијансата на Села ќе делува како независен пратеник

Одвојувањето од коалицијата со Ахмети, Зијадин Села го чинеше пратеник помалку на своја страна. Илир Демир иако избран како пратеник на Алијанса за албанците одлучи да делува како независен. Ваквата одлука на писмено веќе ја предал на собранискиот спикер Гаши. 

Пратеникот Илир Демири го известил Претседателот дека ќе работи како независен, велат од кабинетот на Гаши. 

Новите податоци за Демири веќе се ажурирани на собранискиот сајт. Тој во разговор за Сител ја потврди информацијата но не сакаше да образложи која е причината за ваквата одлука, ниту дали останува да делува како опозиција или пак преоѓа во мнозинството. Детали за ваквиот чекор најави за утре. 

Дел од пратениците кои се заедно со Села за Сител брифираат дека се уште јасно не знаат што ќе се случува, ниту пак доставеното барање за нив е јасно . Без Демири засега остануваат само тројца, недоволни за посебна пратеничка група, откако Села одлучи да го напушти Ахмети. Се обидовме да добиеме информации и од Села но тој остана недостапен за коментар и за Демири и за нивниот статус во Собранието. 

Дали Демири можеби ќе стане дел од мнозинството е уште една од информациите кои кружат во јавноста. Особено што од ВРЕДИ веќе потврдија дека се водат интензивни разговори со пратеници од албанската опозиција,разочарани од политиките на НАИ и Ахмети.