Сали и Хоџа нови министри во Владата на Мицкоски

Беким Сали и Мухамед Хоџа се новите имиња во кабинетот на Премиерот Мицкоски. 

Бидејќи Мицкоски не дава нов ресор, она што останува непознато е кој од министрите на Вреди кои сега се дел од Владата ќе мора да си поднесе оставка. 

Имајќи предвид дека Сали веќе има искуство во Министерството за здравство, можно е местото да му го ослободи Азир Алиу кој според неофицијалните информации би можел да биде нов директор на АЕК.

За позицијата во здравство се уште во игра е и Башким Бакиу. Сепак имајќи предвид дека Сали доаѓа од редовите на партијата Алтернатива, а сопартиец во Владата му е министерот за европски прашања, оваа рокада се чини поверојатна. Во таков случај, министерот за евроинтеграции би заминал како амбасадор во Брисел. Но тој денеска немаше никакви информации

Повеќе информации не сподели ниту премиерот кој уште еднаш повтори дека бројот на ресори нема да се менува. 

Според информациите, списокот со нови министри премиерот во понеделник ќе му го испрати на Собранието.

Посериозна владина реконструкција би можела да се очекува на почетокот на наредната година откако претходно ќе заврши и партискиот конгрес на ВМРО-ДПМНЕ.