Ципрас: Договорот на ЕУ и Турција за мигрантите е „правилен чекор“

Без договорот на ЕУ и Турција за мигрантите Европа ќе се соочеше со „домино ефект“, предизвикан од едностраните мерки на државите членки, изјави денеска грчкиот премиер Алексис Ципрас на средбата со еврокомесарот за миграција Димитрис Аврамополос во Атина, пренесува ТАСС.
- Реализацијата на договорот нема да биде лесна задача. Ако немаше договор со Турција, требаше да се соочиме со „домино ефект“ од едностраните дејствија на одредени земји од ЕУ. Важно е дека на преден план излегуваат европските решенија, нагласи Ципрас, кој го оцени договорот како „правилен чекор“.
Грчкиот премиер истакна дека за успешно реализирање на договорот е неопходно да бидат исполнети два услови, кои не се поврзани со дејствувањето на Грција.
Првиот е да се намали протокот на мигранти од Турција, затоа што во спротивно Грција нема да може успешно да ги евакуира грчките острови, за да пристапи кон реализација на договорот, рече Ципрас, кој забележа дека вчера 1.500 лица пристигнале во Грција од турското крајбрежје.
Вториот услов, според грчкиот премиер, е Грција многу брзо да добие поддршка од квалификуван персонал.
Тој посочи дека грчката влада има намера многу брзо да го адаптира нивното законодавство, што е неопходно за да ја олесни работата на грчкиот Комитет за азил на бегалците со европските институции.
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
