Тројца повредени од трагедијата во Пулс се уште во болница

Речиси половина година по трагедијата во Кочани, тројца од повредените се уште се на болничко лекување. Двајца во приватната болница Аџибадем Систина и еден во Истамбул. На повремени преврски и посети на болниците поради отворени рани одат  осуммина и тоа во Пирогов во Бугарија и во кочанската болница. 

- За жал се уште двајца, се уште се во тешка, не критична, но тешка состојба и се надевам дека и таму борбата ќе биде успешна и ќе излезат заздравени. Ова е борба на долги стази и нашата политика е дека сите донации се добредојдени, но Фондот ќе биде тука и кога ќе помине интересот на донаторите. Тоа им го ветивме на повредените и еве јавно кажувам тој збор ќе го оддржиме, вели Сашо Клековски. 

Клековски ја посети болницата во Кочани за да види до каде е реновирањето на одделот за физикална медицина каде треба да продолжат повредените со физикални вежби откако заврши рехабилитацијата на Пониква. Белгиски пластичен хирург правел проценка кај 18 лица со изгореници на лице, врат и шаки а без проблем оди и процесот со компресивната облека и силиконските маски, велат надлежните. 

- Според потребите на повредените ќе продолжиме со пулмолошките прегледи и ПРП процедурите, сега се  на пауза, меѓуота процедурите за ПРП кои се правеа во соработка со специјалистте од клиника запластична хирургија ќе продолжат во кочанкста болница. Планираме да вклучите и дерматолози во третманот на лузните на повредените, вели д-р Катерина Паниќ Мирчовска, директор на општа болница Кочани. 

По едукација на кадар во Шпанија, во кочанската болница планираат да ја активираат и хипербарната капсула која ќе ја сместат во новите простории на физикална медицина. 

На 16 март во пожарот во Пулс животот го загубија 62 лица а околу 200 беа повредени.