Салах е прогласен за играч на сезоната во Премиер лигата по рекорден трет пат

Напаѓачот на Ливерпул, Мохамед Салах, е прогласен за фудбалер на сезоната 2024/25 во Премиер лигата.

Салах признанието го доби од страна на Здружението на професионални фудбалери во Англија.

Триесет и тригодишниот Египќанец даде 29 гола и беше творец на 18 асистенции во 38 натпревари во Премиер лигата минатата сезона.

Салах ја освои наградата по рекорден трет пат. Претходно ја освои наградата во 2017/18 и 2021/22. 

Наградата двапати ја освоија: Марк Хјуз, Алан Ширер, Тиери Анри, Кристијано Роналдо, Гарет Бејл и Кевин де Брујне. 

МИА