Макрон: Украина мора да има силна армија како гаранција за мирот

Францускиот претседател Емануел Макрон изјави дека секое идно мировно решение со Русија мора да вклучува силна украинска армија која ќе може да одврати и спречи нови напади.

– Денеска имав можност да нагласам дека гаранциите за безбедност мора да значат силна украинска армија, без ограничувања по однос на бројност, капацитети и вооружување, која ќе биде способна да се спротивстави на секоја агресија, рече Макрон пред новинарите по средбата во Белата куќа со претседателите Трамп и Зеленски и со други европски лидери.

Францускиот претседател додаде дека на разговорите не била разгледувана темата за евентуални територијални отстапки од страна на Украина.

МИА