Шешко во новата сезона во дресот на Манчестер Јунајтед

Репрезентативецот на Словенија Бенјамин Шешко од следната сезона ќе го носи дресот на Манчестер Јунајтед. Веста е потврдена од повеќе извори, а трансферот „тежи“ 76,5 милиони евра.

Но, нема да бидат само тие средства за досегашниот тим на Шешко Лајпциг бидејќи во догвоорот има и клаузули за бонуси во висина од 8,5 милиони евра, што потенцијално ќе достигнат до 85 милиони евра.

Шешко ќе има договор со „црвените ѓаволи“ до 2030 година.

Во оваа ситуација губитник e Њукасл, особено што овој премиерлигаш во текот на целиот преоден рок се обидуваше да го доведе Шешко во своите редови, како замена за Александер Исак, кој сака да направи трансфер во Ливерпул.

Со доаѓањето на Шешко на „Олд Трафорд“ премиерлигашот ќе има сосема ново напаѓачко трио со Матеус Куња и Брајан Мбеумо.

МИА