Австралија доживеа најголеми снежни врнежи во последните децении
Неколку градови во источна Австралија беа покриени со најголеми снежни врнежи во последните децении, додека силна бура го зафати регионот овој викенд, предизвикувајќи поплави, затворање на патишта и прекини во снабдувањето со електрична енергија за илјадници домови, соопштија властите.
Вчера во некои области беа прогнозирани околу 50 сантиметри снег, додека во други беа прогнозирани повеќе од 10 сантиметри дожд, соопшти Државната служба за вонредни состојби на Нов Јужен Велс. Условите се подобрија денеска.
Делови од северозападниот регион на Нова Англија доживеаја највисоки нивоа на снежни врнежи во последните 20 години, објави државната радиодифузна корпорација „Австралијан Бродвејшн“, додека „Сиднеј Морнинг Хералд“ објави дека делови од соседниот Квинсленд доживеале први снежни врнежи во последните 10 години.
Службите за вонредни состојби соопштија дека реагирале на повеќе од 1.455 инциденти и повеќе од 100 возила биле заглавени во снег, додавајќи дека бурите оштетиле згради и издале неколку големи предупредувања за поплави. Десетици илјади домови ја поминале ноќта без електрична енергија.
Полицијата во Нов Јужен Велс, најнаселената држава во Австралија, соопшти дека автомобил се заглавил во поплавните води преку ноќ и дека е во тек потрагата по жена на возраст од 20 години која била однесена од водата.
МИА
Ново на Сител
-
Претседателот на Собранието се очекува да ги распише локалните избори
-
Трамп и Путин ќе се сретнат во Алјаска на 15 август за да преговараат за крај на војната во Украина
-
Сончево и многу топло
-
МПЦ-ОА го празнува споменот на Свети Климент Охридски и Свети Пантелејмон
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар