Собранието ќе одржи продолженија на три седници

Собранието денеска ќе одржи продолженија на три седници.

На дневен ред на продолжението на 60-та седница меѓу останатите точки е и Предлог на закон за изменување и дополнување на Законот за технолошки индустриски развојни зони, по скратена постапка, како и Предлог на закон за изменување на Законот за стоковите резерви, по скратена постапка.

На оваа седница е и Предлог на закон за изменување и дополнување на Законот за тутун, производи од тутун и сродни производи, по скратена постапка.

Пред пратениците на продолжението на 62-та седница е Предлог на одлука за испраќање на припадници на Армијата на Република Северна Македонија за учество вo меѓународната операција на Организацијата на обединетите нации „УНИФИЛ“, во Република Либан.

На дневен ред на оваа седница е и Предлог на закон за иновациска дејност, научно-технолошки развој и претприемништво, по скратена постапка, додека на 63-та седница е  Предлог на закон за изменување на Законот за пензиското и инвалидското осигурување, по скратена постапка.

МИА