Бројот на жртви во поплавите во Јужна Кореја се искачи на 14, 12 се водат како исчезнати

Бројот на жртви во Јужна Кореја се искачи на 14, а уште 12 лица се водат како исчезнати откако поројните дождови предизвикаа свлечишта и поплави кон средината на неделата.

Дождот веројатно ќе престане подоцна денеска и ќе биде проследен со топлотен бран, соопшти владината метеоролошка агенција на Јужна Кореја.

Поројните дождови што претходно ги погодија јужните делови од земјата се поместија кон север преку ноќ, додаде јужнокорејската метеоролошка агенција. 

МИА