Тошковски: Ставени под контрола пожарите во Крива Паланка, Орман, Дојран, Николиќ и Волково

Под контрола се ставени пожарите во Дојран, Николиќ, Крива Паланка, Орман, Волково и пожарот во Самоков, изјави министерот за внатрешни работи Панче Тошковски.

-Денес е активиран и механизмот за европска помош во справување со пожарите и максимално се ставаат во фунцкија сите капацитети на државата. Од страна на Грција се дадени на испомош два канадери и два пешадиски тимови. Сите владини институции се целосно мобилизирани. Во приправност се ставени околу 300 војници, од кои 150 активно беа вклучени на терен, околу 400 полициски службеници активно беа вклучени на терен, истакна Тошковски на прес-конференција во Владата по кризниот штаб.

Министерот нагласи дека државата ќе одговори на сите предизвици.