Орце Ѓорѓиевски кандидат на ВМРО-ДПМНЕ за градоначалник на Скопје
Орце Ѓорѓиевски е предлогот на ВМРО-ДПМНЕ за кандидат за градоначлник на Град Скопје. Ваква одлука вчера донесе Извршниот комитет на ВМРО-ДПМНЕ по седницата одржана рано попладнето.
Покрај Георгиевски, поддршка за нов мандат добија уште неколку актуелни градоначалници на ВМРО-ДПМНЕ, меѓу кои и првиот човек на скопска Гази Баба, Бобан Стефковски.
Ново име на политичката сцена е Сотир Лукровски кого ВМРО-ДПМНЕ го предложи за кандидат за градоначалник на Карпош.
Партискиот лидер вчера во изјава за медиумите рече дека се уште траат разговорите со ЗНАМ но одат во насока дека ќе падне договор за поддршка на Максим Димитриевски во Куманово и простор за директен дуел ЗНАМ – СДСМ во скопски Центар. Партиски извори за Сител потврдија дека се разгледува и можноста ЗНАМ да добие празен простор во уште една помала општина каде би имале кандидат кој би ја добил и поддршката на ВМРО-ДПМНЕ. Истовремено, веќе е договорено и двете партии да одат со посебни советнички листи.
Кандидати промовира и СДСМ. Лидерот Филипче минатата недела промовираше десетина нови имиња но меѓу нив не се најде градоначлникот на Струмица Костадин Костадинов за кој се уште не се знае дали во изборната трка ќе влезе како независен кандидат.
Ново на Сител
-
Пресекот на излезноста до 11 часот е 9,38%
-
На ГП „Блато“ уапсен албански државјанин баран со меѓународна потернца
-
Во Штип до 11 часот гласале 10,89 проценти од избирачите
-
Папата Лав Четиринаесетти ќе прогласи седум нови светци
-
МВР: Регистрирани 20 пријави за нарушување на изборниот молк од кои 15 не се потврдени
-
Приведен кавадарчанец со 2,02 промили алкохол во крвта престигнал седум возила застанати на црвено светло
-
Нетанјаху повторно ќе се кандидира за премиер
-
Голем број демонстранти учествуваа на протестите ширум САД против политиките на Трамп