Алкараз го совлада Синер за прва титула во Рим
Шпанскиот тенисер Карлос Алкараз ја освои титулата на АТП турнирот од серијата Мастерс 1000 во Рим, откако вечерва го совлада во финалето светскиот тенисер број еден, Италијанецот Јаник Синер со 2-0 во сетови (7-6, 6-1).
Во нивниот 11 меѓусебен дуел, 22-годишниот Алкараз ја забележа седмата победа, а четврта во низа над една година повозрасниот Синер.
Дуелот за титулата во Рим воедно беше 25. АТП финале за Алкараз и Синер, а Шпанецот прв пат во кариерата триумфираше на Мастерсот во италијанската престолнина.
Алкараз дојде до титулата во Рим откако во денешното финале при водство на Синер во првиот сет од 6-5 во гемови спаси две сет топки (15-40) по што го освои тајбрејкот. Шпанскиот тенисер целосно доминираше во вториот сет во кој поведе со 5-0 во гемови, а за победата ја искористи третата сет топка.
Алкараз е првиот тенисер оваа сезона со два трофеи од мастерс турнирите, откако во финалето во Монте Карло го совлада сонародникот на Синер, Лоренцо Мусети.
Со новите 1.000 поени, Алкараз се враќа на второто место на АТП ранг-листата, додека Александар Зверев, кој не успеа да ја одбрани титулата во Рим, од понеделник ќе падне на третата позиција. Синер останува на водечкото место на АТП ранкингот со 1 500 поени повеќе од Алкараз.
Ново на Сител
-
Ен-Би-СИ: Жештината е тивок убиец, поголем од поплавите, ураганите, торнадата
-
Трамп го отфрли тврдењето на Нетанјаху дека нема глад во Газа
-
Уапсен србин кај Ѓавато, не застанал на знак на полицијата, па потоа го оставил автомобилот и пробал да побегне
-
ЦУК: 20 пожари на отворен простор, десет активни, пет ставени под контрола и пет изгаснати
-
Чешка и Словенија испраќаат помош за справување со пожарите во Северна Македонија
-
За еден ден ќе почне првичната селекција на лицата кои треба да бидат ангажирани како пожарникари
-
Трамп ѝ даде на Русија нов рок од 10-12 дена за завршување на војната во Украина
-
Скопјанецот Зоран Настевски совлада “бомбаш самоубиец“ на лет од Лутон кон Глазгов | ВИДЕО