Тестовите се готови: Останатите лами во зоолошката градина немаат туберкулоза

Тестовите се готови – петте лами што останаа во Зоолошката градина во Скопје немаат туберкулоза. Информацијата за Сител ја потврдија од Агенцијата за храна и ветеринарство.
„Негативни се петте теста на болеста туберкулоза на лами во скопската Зоолошка градина, по угинување на две животни во одгледувалиштето на почетокот на овој месец“, велат од АХВ за Сител.
Вакви тестови беа направени, откако неодамна угинаа две лами во скопската зоолошка. Едната на 26. март, другата на четврти април. Обдукцијата за првата угината лама покажала дека имала туберкулоза 5 години. Стигнале резултатите и од обдукцијата за втората лама кои покажале дека и таа угинала од туберкулоза.
Во меѓувреме, остануваат на сила наредените биосигурносни мерки од страна на официјален ветеринар на Агенцијата за храна и ветеринарство (АХВ) при спроведениот вонреден инспекциски надзор, по добиената пријава за угинување на животно во зоолошката.
„За следење на состојбата на животните и заштита на здравјето на посетителите, на животните лами од ова одгледувалиште, во наредниот период ќе се изврши ретестирање за болеста туберкулоза“, дополнуваат во одговорот од АХВ за Сител.
Ламите се домашни животни од фамилијата камили, кои потекнуваат од Јужна Америка. Првата лама угина на 26.03.2025 година, втората на 04.04.2025 година, а во моментов во ЗОО Скопје има пет лами.
За потсетување, вчера во ЗОО Скопје информираа дека починала и јагуарката Инес на 22 години.
Габриела Лескова
Ново на Сител
-

Протести во Прага поради планираното укинување на претплатата за чешките јавни медиуми
-

Од специјализирана продавница за „Покемон“ украдени карти во вредност од над 130.000 евра
-

Трамп бара од Конгресот дополнителни средства за модернизација на американскиот систем за контрола на воздушниот сообраќај
-

Следува променливо облачно и потопло време, од среда повремено силен јужен ветер
-

Изминатото деноноќие 15 пријави за семејно насилство во државава
-

Акциски контроли на подрачјето на Центар во Скопје, констатирани повеќе прекршошци
-

Седум ПП возила и 19 пожарникари гаснеле запалена барака во Жданец
-

Николоски: Охридскиот аеродром годинава ќе достигне помеѓу 370.000 и 400.000 патници наспроти предвидените 130.000 до 2030 година
