Искушенија околу слабеењето и како да се избегнат?

Понекогаш е тешко да се намали тежината и не е јасно зошто една личност едноставно не може да се ослободи од тие „последни“ неколку килограми? Одговорот е во тоа што луѓето имаат одредени погрешни навики коишто го спречуваат слабеењето. Според Анџана Чахабра, лекарка од Институтот за управување со тежината во Хекенсек, Њу Џерси, САД, постојат три навики што ги уништуваат напорите за слабеење и човекот треба да ги избегнува.
Без јадење доцна навечер!
Полноќниот оброк можеби звучи и изгледа примамливо, но еден од вообичаените начини „да ги саботирате“ напорите за слабеење е токму јадењето „во ситните часови“. Кога се јаде доцна навечер, поверојатно е храната да се претвори во маснотии, наместо во енергија, бидејќи телото тогаш природно се одмара, наместо да се движи.
Совет: Ако се чувствувате гладни пред спиење, обидете се со пиење чаша вода, наместо оброк. Исто така, препорачливо е да се јаде доволно порано во денот, за да не се гладува во часовите кога се оди в кревет.
Не се избира храна поведена од „социјален притисок“, т.е. друштвото
Само затоа што некој е „во такво друштво“, не значи дека треба да јаде сè што јадат пријателите. Сосем нормално е тој / таа еднаш - двапати да се опушти со друштвото, но важно е да се има план за надминување на тој социјален притисок што може да го доживее. Во ред е, на пр., да уживате во вечера со пријателите, но ако го прескокнете десертот.
Совет: Ако треба брзо и безбедно губење на тежината без пречки, важно е изборот на храна да не се прави по туѓиот ум и разум.
Придржувајте се до планот за слабеење!
Советот тука вели прво да се разговара со тренер за слабеење, кој може да помогне со делотворен план за слабеење. Откако ќе се состави тој план, човекот мора да се држи до него.
Понекогаш луѓето почнуваат со новите навики, но брзо се враќаат на старите. Тренерот може да помогне да се остане доследен /-на на напорите за слабеење и може да мотивира, во миговите кога работите стануваат тешки.
Ново на Сител
-

Koшта: Проширувањето на ЕУ служи за зајакнување на Европа, како отпорна економска сила и сила за мир
-

Измамници ја користат видео играта GTA VI за да крадат пари и податоци од гејмерите
-

Побаран притвор за охриѓанецот кој ја претепа својата девојка - се товари за три кривични дела
-

Мицкоски со осуда за нападот врз девојката во Охрид: Ќе сториме сè сторителот да одговара пред правдата
-

Попладнево повторно приведен Корабоски – нови околности во случајот
-

Чеферин гостин на Омерагиќ, заедно ќе го следат дуелот Македонија – Словенија
-

МФ: Јавниот долг во 2027, во согласност со ревидираните податоци за БДП, нема да го надмине прагот од 60%
-

Родителите со две ќерки се најсреќни, покажува научна студија на речиси 50.000 луѓе
