Кејти Пери оди во Вселената
Американската поп-пејачка Кејти Пери наскоро ќе патува во Вселената, заедно со свршеницата на Џеф Безос – Лорен Санчез, објави американската вселенска компанија „Блу ориџин“ (Blue Origin).
Тоа ќе биде 11-ти лет со екипаж за „Блу ориџин“ и ракетата „Њу шепард“, коишто веќе неколку години имаат понуди за вселенски туризам. Во леталото би требало да бидат и филмската продуцентка Кери Флин и поборничката против сексуалното насилство, Аманда Нгуен. Летот ќе се спроведе напролет, соопшти компанијата на Безос.
За време на летот што трае неколку минути, патничките ќе може и да се откачат од своите седишта за да искусат лебдење во нулта гравитација.
Цените на билетите се чува во тајност.
Целосно автоматизираната ракета полетува вертикално и се враќа на Земјата, при што капсулата се одвојува во повратниот лет, во контролираниот пад со падобрани и ретро-погонско гориво, објави „Н-1“. Главниот соперник на „Блу ориџин“ за вселенски туристички летови е британската „Вирџин галактик“ (Virgin Galactic), којашто нуди слично патувачко искуство.
Ново на Сител
-
Шведска може на Украина да и продаде помеѓу 100 и 150 борбени авиони „Грипен“
-
Вонредна есенска дератизација на територија на Општина Центар
-
Под истрага 12 лица осомничени за лихварство и перење пари
-
Нетанјаху: Израел не е протекторат на САД
-
Вардар четвртфиналист во фудбалскиот Куп на Македонија
-
Мицкоски: Потпишавме Меморандум за разбирање со „Бурсток“, која ќе инвестира во наменската воена индустрија во Македонија до 150 милиони долари
-
Координативна средба на Ѓорѓиевски со советничките групи од коалицијата – во фокус на разговорот биле првите чекори по преземањето на градот
-
ЕП усвои резолуција за Србија