Драчево без вода, без струја дел од Кисела Вода, Центар, Карпош и Побожје

Од 09:30 часот утрово без вода ќе бидат корисниците од село Драчево поради изведување водоводен приклучок ф 100 мм на улицата „Речиште“ бб, информира РЦУК – Скопје. Прекинот ќе трае до завршување на зафатот.

Според РЦУК – Скопје, во текот на денот ќе има и прекини на струја. Од 09:00 до 15:00 часот електрична енергија нема да имаат корисниците на дел од улицата „Саса“ 2 и дел од улицата „Саса“ 4 во општина Кисела Вода, како и дел од корисниците во село Побожје, општина Чучер Сандево.

Од 09:00 до 14:00 часот без струја ќе бидат дел од улиците „Народен Фронт“ и „Васил Говров“ во општина Центар, додека од 10:00 до 13:00 часот ОУ „Петар Поп Арсов“ во општина Карпош.