Непознати лица украле дел од тревник поставен на плоштад во атинска населба
Непознати лица украле дел од новиот тревник поставен на плоштад во атинска населба, а градоначалникот Јанис Константатос преку видео објавено на социјалните мрежи коментира дека мислел дека досега видел сè и не очекувал некој да го украде тревникот, јави дописничката на МИА од Атина.
Градоначалникот на општината Елинико-Аргируполи каде што се случила кражбата во видеото вели дека во неговиот мандат се има соочено со катастрофи, вандализми, штети, кражби.
– Но, дека ќе ни го украдат новиот тревник поставен на плоштадот, ова искрено го немам видено. Се прашувам, пријателе, што ќе правиш со него? Ќе ги пасеш овците и козите? Ова не може повторно да се засади. Што ќе му правиш? Колку време посвети за да го извадиш дел по дел и каде ќе го користиш? Навистина се срамам за оној што го стори тоа. Мислев дека сум видел сè, но не е така. Еве може да го украдат и тревникот, вели градоначалникот во видеото и на шега порачува дека полицијата ќе треба да ги чува и тревниците во Грција.
Заменик-градоначалникот Василис Критикос за телевизијата ЕРТ објасни дека по околу еден месец работа, екипите во понеделникот го завршиле уредувањето на плоштадот, а следниот ден било откриено дека недостасува голем дел што се проценува дека е околу 70 метри квадратни, а штетата можеби е над 1.000-2.000 евра.
Ново на Сител
-
Саркози во затворот Ла Санте добил смртни закани
-
Ден на македонската револуционерна борба
-
Трамп ја откажа средбата со Путин: Едноставно не ми се чинеше исправно
-
Октомвриски Самит на ЕУ во Брисел, меѓу темите Украина, Блискиот Исток о одбраната
-
Најмалку девет мртви и пет повредени лица во експлозија во фабрика за оружје во рускиот град Копејск
-
Облачно, кон крајот на денот и во текот на ноќта повремен локален дожд
-
Посебен режим на сообраќај во центарот на Скопје поради атлетска трка
-
Шведска може на Украина да и продаде помеѓу 100 и 150 борбени авиони „Грипен“