Преглед на вестите од светот

Со назнака – „неофицијално“ – бугарските медиуми утрово објавија дека одлучено да се обноват преговорите меѓу ГЕРБ, „Демократска Бугарија“, „БСП – Обединета левица“ и „Има таков народ“ за состав на влада на таа држава.

Разговорите ќе се водат до петок и ќе бидат интензивни, јави БНТ.

Информацијата е објавена откако ГЕРБ-СДС на 5 јануари соопшти дека ги завршуваат преговорите за формирање влада.

126 лица загинаа и 188 се воодат како повредени до вторник 19 часот по земјотресот што вчера ја погоди Кина и областа Тибет, а епицентарот се наоѓа во населбата Цого.

Спасувачките екипи од различни служби за итни случаи спасија 407 заробени луѓе во урнатините и поставија 14 локации за преселување и преместија и преселија повеќе од 30.400 луѓе погодени од земјотресот. Во болниците на лекување се 28 сериозно повредени пациенти.

Дваесет и четири медицински спасувачки тимови со повеќе од 550 лица и 106 амбулантни возила беа испратени во регионот за да извршат трансфер и лекување, при што сите оние на кои им е потребна помош се примени во болница. Дополнително во спасувањето е активирана и армијата, како и шест хеликоптери кои се ставени за дополнително спасување. 

Повеќе од 170.000 парчиња итно потребни материјали, вклучително шатори, кревети, јоргани, ќебиња, топла облека, опрема за греење, итни молњи, како и храна и вода, исто така, итно беа испратени во погодената област.

Командниот центар за итни случаи во регионот во вторникот, го подигна нивото за одговорност за итни случаи на ниво 1, односно највисоко ниво. 

Шумски пожар изгоре околу 200 хектари и ги загрози домовите во луксузното предградие на Лос Анџелес принудувајќи евакуација на околу 30.000 луѓе откако властите веќе предупредија за екстремна опасност од пожар. 

Пожарот меѓу Санта Моника и Малибу им создава многу проблеми на противпожарните служби, а дополнително невољи создава и силниот ветер, некои од пламените јазици ги зафатија околните домови. Дел од населението заглави во сообраќајот во нивните автомобили. Пред да започне пожарот, Националната метеоролошка служба го издаде предупредување за екстремни услови на пожар во поголемиот дел од округот Лос Анџелес.