Фини-Смит премина во Лејкерс, Дианџело Расел се враќа во Бруклин

Иако Марк Стајн вчера објави дека Доријан Фини-Смит е блиску до преселба во Мемфис, сепак одличниот дефанзивец ќе замине во Лос Анџелес.

Лејкерси го добиваат играчот кој очајно им беше потребен, а „цената“ е збогување со Деанџело Расел и Максвел Луис, како и три пика од втората рунда. Заедно со Фини-Смит, во авионот за Лос Анџелес се најде и Шејк Милтон, креативен дефанзивец.

Фини-Смит оваа сезона има просек од 10,4 поени и 4,6 скока, со феноменални 43,5% шут за 3 поени. Уште поважно за Лејкерси, ова е еден од најдобрите крилни дефанзивци во лигата. Ова е поле на кој „езерџиите“ заостануваа далеку зад конкуренцијата. Интересно е тоа што Доријан и Џеј Џеј Редик, актуелниот тренер на Лејкерс, играа заедно за Далас Маверикс во сезоната 2020/2021, последна во кариерата на одличниот шутер.

Оваа размена го означува и враќањето на Расел на местото на најголемиот успех во неговата кариера. Расел играше за Нетс во сезоната 2018/2019, забележувајќи 21 поен и 7 асистенции во просек, а таа сезона единствен пат учествуваше на Ол-стар натпреварот.