Израел: Постара жена убиена во терористички напад во Херцлија

Постара жена која беше избодена и тешко ранета во терористички напад во градот Херцлија во Израел, им подлегна на повредите, соопштија денеска израелските здравствени власти.

Од болницата во Тел Авив, каде што била пренесена, соопштиле дека жената има 80 години и дека била неколку пати избодена со нож.

Напаѓачот бил застрелан во ногата од страна на обезбедувањето во близина, а полицијата го привела, пренесува Тајмс оф Израел.