Ѓорческа продолжува со двојните победи во Тунис

Македонската тенисерка Лина Ѓорческа ја постигна и третата победа во сингл конкуренција на фјучрсот во Хамамет, Тунис. Таа денеска во четвртфиналето ја победи Полина Монова од Русија со 2:1 во сетови за два часа игра. Првиот сет и припадна на Монова со 6:1 во гемови, а следниот сет Ѓорческа го доби без загубен гем 6:0. Во решавачкиот сет беше 6:4 за нашата тенисерка. 

Утре во полуфиналето Ѓорческа (2.носител) ќе игра против Јулија Грабер (Австрија, 6.носителка). Тенисерката од Австрија има 19 години и се наоѓа на 433 место на ВТА листата, а денеска ја победи Анџелика Моратели (Италија) со 2:0 во сетови.

Во конкуренција на двојки Ѓорческа и Изабела Шиникова (Бугарија) без борба стигнаа во финалето, каде ги очекуваат победничките од вториот полуфинален дуел. Според програмата Ѓорческа утре треба да го игра финалето во двојки.