Свештеникот кој дозволи снимање спорен спот во црква, расчинет поради проневера
Контроверзниот американски свештеник кој ѝ дозволи на поп-пејачката Сабрина Карпентер да сними спот со спорна содржина во неговата црква, доби отказ поради проневера.
Свештеникот Џејми Џигантиело (65) бил расчинет поради обвинувањата дека префрлил 1,9 милиони долари црковни средства на поранешниот шеф на Кабинетот на градоначалникот на Њујорк, Ерик Адамс. Тој, пак, претходно оваа година во федерална истрага, беше обвинет за корупција. Џигантиело е ослободен од „секаков пасторален надзор или раководна улога“ во црквата „Дева Марија“ во Бруклин.
По објавата на спорниот видеоспот за песната „Feather“, бискупот Роберт Бренан во изјава за Католичката новинска агенција рече дека е вознемирен што се снимил „провокативен“ спот во нивна црква.
– Прохијата не ја следеше епархиската политика во однос на снимање на црковниот имот, што вклучува прегледување на сцени и сценарија, рече тој.
Во крвавиот спот, Сабрина танцува околу олтарот во кус црн фустан од проѕирна ткаенина, а претходно е опкружена со „трупови“ на мажи кои „беа убиени“ во видеото. Спотот беше објавен за Ноќта на вештерките, па предизвика и добри, но и лути реакции од некои верници. Џигантиело потоа се извини во објава на Фејсбук-страницата на црквата, велејќи дека музичкиот видеоспот е „срамен приказ“. Сепак, тогаш тој останал пастор, но со ограничени пасторални овластувања.
По новите сознанија, на Џигантиело му се одземени сите црковни и административни должности.
Ново на Сител
-
Гвардиола: Никогаш не сум имал поголема верба во моите играчи
-
Поранешниот хрватски министер за здравство пуштен од истражен затвор да се брани од слобода
-
Шефовите на дипломатиите на арапските земји бараат итен прекин на огнот во Газа и Либан
-
Кривична за вработена во градинка, и се заканувала на нејзина колешка
-
Семеен масакр во Турција: Ги убил сопругата, детето и родителите, па се самоубил
-
Лекар од Гевгелија нападнат од возач во Итната медицинска помош
-
Приведено лице од Кочани, ВИН бројот во неговата сообраќајна дозвола и на возилото не се совпаѓале
-
Вучиќ: На грубоста, невоспитанието и ароганцијата ќе одговориме со уште повеќе работа