Шведска не дозволи изградба на 13 паркови со ветерници во Балтичко Море поради безбедносни ризици
Шведската Влада денеска соопшти дека ги отфрлила барањата за изградба на 13 паркови со ветерници во Балтичко Море поради загриженоста за одбраната. Во исто време, Владата во Стокхолм издаде дозвола за изградба на електрана на ветер на западниот брег на земјата.
Шведскиот министер за одбрана Пол Јонсон изјави дека изградбата на ветерни електрани во Балтичко Море ќе им наштети на одбранбените интереси. Како една од причините тој посочи дека таквата конструкција ќе го отежне откривањето и соборувањето на проектили со помош на шведските системи Патриот во случај на конфликт.
Единствениот парк со ветерници што доби градежна дозвола ќе се вика „Посејдон“ и ќе произведува околу 5,5 терават часови електрична енергија годишно.
Уште 10 апликации за изградба на парк со ветерници сè уште чекаат одобрение од Владата. Шведска планира да го удвои своето производство на електрична енергија во текот на следните две децении на околу 300 терават часови за да го исполни очекуваниот раст на побарувачката бидејќи индустријата и транспортниот сектор постепено ја исклучуваат употребата на фосилни горива.
Десничарската Влада во Стокхолм досега се фокусираше на нуклеарната енергија, со цел да изгради 10 нови реактори до 2045 година. Шведска моментално има шест реактори.
Шведска минатата година произведе 163 терават часови електрична енергија, а од ветер е прозведена околу 21 проценти односно 34 терават часови.
Ново на Сител
-
Синдикалната минимална кошница за април 2025 година изнесува 62.691 денари
-
Јахоски може да излезе од Шутка само ако депонира 72.000.000 денари, вели обвинителството
-
Во Битола ќе се врши вонредно заловување на кучиња скитници во центарот на градот
-
Советот на Народната банка на седница ги усвои Годишниот извештај и Извештајот за ризиците во банкарскиот систем за 2024 година
-
Намален е бројот на годишни пријави за семејно насилство во Куманово
-
Собранието ќе добие ново лого
-
Домот на Фатмир Битиќи мета на крадци, украден сеф со злато, пари и рачни часовници
-
Собранието во рамки на 44. седница без расправа донесе повеќе законски решенија