Кремљ: Путин е отворен за дијалог со Шолц

Рускиот претседател Владимир Путин е отворен за дијалог со германскиот канцелар Олаф Шолц, изјави денеска портпаролот на Кремљ, Дмитриј Песков за руската новинска агенција Интерфакс.
- Постојано изјавувуваме дека остануваме отворени за контакт, рече Песков, но истакна дека досега немало никаков предлог од германска страна за телефонски разговор.
Како што пренесе ДПА, Песков го кажа ова одговарајќи на изјавата на германската министерка за надворешни работи Аналена Бербок, која во петокот рече дека Путин повеќе не сака ни да разговара со канцеларот по телефон.
Шолц неодамна нагласи дека мора да се истражат можностите за мир и има извештаи за планиран телефонски разговор меѓу германскиот канцелар и Путин.
На почетокот на октомври, Песков рече дека Путин е отворен за дијалог иако, според него, односите меѓу Москва и Берлин се ефективно на дното – не поради Русија. Тој додаде дека „на површина нема заеднички прашања“.
Шолц последен пат телефонски разговараше со Путин во декември 2022 година, кога тој повика на дипломатско решение и повлекување на руските трупи од Украина. Во јуни, Шолц рече дека не може да исклучи разговор со Путин во иднина, но нагласи дека ќе има смисла само ако има нешто конкретно за разговор.
Ново на Сител
-

Специјалците спасија тешко повреден алпинист кај Демир Капија
-

Сиљановска-Давкова за Денот на албанската азбука: Единството нема да ги негира, туку ќе ги респектира различностите
-

МПЦ-ОА на средба со еден од најгласните поддржувачи на Путин и војната во Украина
-

Мицкоски: „One Stop Shop“ системот ќе го олесни транспортот и ќе ги доближи Македонија и Албанија
-

Руските загуби во Украина се неодржливи, се приближуваат до размери од Втората светска војна
-

Неуспешен обид за средба Трамп – Ким: Северна Кореја поставила неприфатливи услови
-

Пронајдено тело на шестгодишно дете кое паднало во реката Рибница во Подгорица
-

Променливо облачно време со сончеви периоди, од понеделник заладување
