Новата сезона во АБА 2 стартува утре со три македонски екипи
Со нов формат и зголемен број екипи, утре официјално стартува новата сезона во регионалната кошаркарска АБА 2 во која ќе настапат три македонски екипи, МЗТ Скопје Аеродром, Работнички и Пелистер.
Според новите пропозиции, по четири екипи се поделени во четири групи и во првата фаза секоја од 16. екипи ќе одигра по шест натпревари, три на домашен и исто толку на гостински терен. По шест одиграни кола, првопласираните две екипи од секоја група обезбедуваат пласман во следната фаза од натпреварувањето во која ќе бидат формирани нови две групи.
Во Топ 8 фазата ќе се одиграат уште шест кола по кои двете најдобри екипи од двете групи, ќе се пласираат во полуфиналето на плеј-офот.
Четирите најдобри екипи ќе се борат за место во финалето во серија „подобар од три натпревари“ (1-1-1), а според истиот систем ќе се игра и финалната серија.
Актуелниот македонски шампион, МЗТ Скопје, е дел од групата „А“, во која за противници ги има екипите на Хелиос од Домжале, загрепска Цедевита Јуниор односно Теодо од Тиват.
Пелистер кој и лани беше дел до оваа конкуренција е сместен во групата „Ц“ во која се и екипите на Подгорица, Широки и Вршац.
Скопски Работнички ќе ја почне сезоната од групата „Б“ во која за ривали ги има Војводина од Нови Сад, Сутјеска од Никшиќ, и сараевска Босна.
Македонскиот шампион ќе ја има и честа да го отвори новото издание на АБА 2 лигата, утревечер, од 18. часот во СЦ „Јане Сандански“ против црногорски Теодо.
Два дена подоцна, на 26. септември, во СРЦ „Кале“, исто така од 18. часот, Работнички е домаќин на уште еден црногорски претставник, Сутјеска, додека својот натпревар од премиерното коло од новата сезона Пелистер ќе го одиграна 1. Октомври на домашен терен против Широки.
Ново на Сител
-
„Јутјуб“ воведува реклами на паузирано видео
-
САД: Жртва на киднапирање се спои со семејството по 70 години
-
Новата сезона во АБА 2 стартува утре со три македонски екипи
-
Менди го продолжи договорот со Реал
-
Верстапен: Второто место е добро достигнување
-
Шолц: Германија нема да ги отстрани ограничувањата на Украина за оружјето со долг дострел за гаѓање цели во Русија
-
Земјотрес и цунами во Јапонија
-
Зеленски за Еј-Би-Си Њуз: Поблиску сме до крајот на војната отколку што мислиме