Сува трева, стрништа гореле во липковско и кумановско, во моментот нема активни пожари
Сува трева, стрништа гореле во липковско и кумановско, соопштија денеска надлежните од регионалниот центар за управување со кризи Куманово и од кумановската подружница на „Национални Шуми“. Сува трева и стрништа гореле во липковските села Матејче, Отља и Слупчане. Пожарникарите успеале да ги изгаснат. Трева и стрништа гореле и во кумановските села Четирце и Љубодраг.
- Пожарите се локализирани и завршени, моментално на територијата на општините Куманово и Липково нема активни пожари, велат од РЦУК Куманово.
На пожарите во липковско интервенирале и припадници на „Национални [уми“.
- Сите пожари се изгаснати. Многу е важно граѓаните да внимаваат и одговорно да се однесуваат, изјави в.д директорката на кумановската подружница на „Национални шуми“, Катица Станковска Ристовска.
Подружницата располага со едно противпожарно возило кое вработените во подружницата изминатиов период го користеа за гасење пожари на подрачјето на општина Старо Нагоричане.
- За проценка колку површина е зафатено сè уште не можеме детално да кажеме. Наскоро ќе почнат проценките за штетите за зафатаената површина во овој регион. Последниот пожар што беше на 3 август, годинава во село Жегљане во Старо Нагоричане според првична проценка на шумарите, зафатени се околу 20-тина хектари, сува трева, деградирана шума. Во самото село изби пожарот. Со интервенција на пожарникарите од Старо Нагоричане и Куманово и нашите вработени, пожарот е целосно локализиран, изјави Станковска Ристовска.
Во однос на кадарот, таа објаснува дека имаат вработени кои веќе се при крајот на работниот стаж, најголем дел над 60 години.
- Има недостаток на работна сила во поглед на шумочуварската служба во однос на помлад кадар. Но, успеваме сега засега и се справуваме со испраќање на тимови, изјави Станковска Ристовска.
Територијата која ја покрива кумановската подружница на „Национални шуми“ е прилично голема со три општини Куманово, Липково и Старо Нагоричане.
Ново на Сител
-
Кривична пријава за жител на село Могорче за тешка кражба и оштетување туѓи предмети
-
„Балансерот“ утре на седница на Уставниот суд
-
Мој Народе - Ново од групата Меморија
-
МВР: Претрес во Куманово, приведен дилер, пронајдена дрога
-
ЦУК: Вкупно 1.704 повици на 112, четири пожари на отворено и апел за редовно чистење на локалните одводни канали
-
Состанок на Постојаната експертска група за болеста африканска чума кај свињите
-
Регистрирани се нови 57 случаи на Ковид, како последица на вирусот починале четири лица
-
ЈП Комунална хигиена - Скопје: Oтстранети диви депонии на пластичарска улица и во населбата Топаана